युरेनियम बेच्न हिँडेका तीन जना समातिए

काठमाडौं
प्रति केजी दुई करोड रुपैयाँ मुल्य तोकिएको युरेनियमको अवैध कारोबारमा संलग्न तीन जना समातिएका छन् । अपराध महाशाखाको विशेष टोलीले उनीहरुलाई बालाजुको एक गेष्ट हाउसबाट समातेको हो ।
गोप्य सूचनाको आधारमा उनीहरु समातिएको महाशाखाले जनाएको छ । पक्राउ पर्नेहरुमा नुवाकोट बिदुर–६ घर भई हाल मनमैजु बस्ने प्रदिप घिमिरे, बिदुर–२ घर भई हाल मनमैजु बस्ने राजेन्द्र परियार र काठमाडौं तारकेश्वर फुटुङ् बस्ने रंजित कार्की रहेका छन् । उनीहरुको साथबाट उक्त टोलीले १२ सय ग्राम युरेनियम समेत बरामद गरेको छ । उनीहरुलाई आवश्यक कारवाहीको लागि महानगरीय प्रहरी वृत्त, बालाजु पठाईएको महाशाखाले जनाएको छ ।