काठमाडौंको सडकमा युवती मृत फेला

काठमाडौं
काठमाडौंको कागेश्वरी मनोहरा नगरपालिका–१ स्थित गागलफेदीमा युवती मृत अवस्थामा भेटिएकी छिन् । गागलफेदी घर भएकी ३३ वर्षीया धनमाया लामाको शव सडकबाट २० मिटर तल भेटिएको हो ।

महानगरीय प्रहरी परिसर काठमाडौंका एसएसपी सुदिप गिरी र अपराध महाशाखाका एसपी कृष्ण पंगेनी घटनास्थलमा पुगेका छन् । युवतीको हत्या भएको आशंका गरिएको छ । घटनास्थलमा फरेन्सिक चिकित्सक पनि गएका छन् ।