अटोमेटिक पेस्तोलसहित दुई भारतीय पक्राउ

सुनसरी
प्रहरीले दुई जना भारतीयलाई अटोमेटिक पेस्तोलसहित पक्राउ गरेको छ । कोशी गाउँपालिका–१ लौकहीस्थित बिएस होटलबाट उनीहरुलाई पक्राउ गरेको हो ।

उनीहरुको साथबाट प्रहरीले २ थान अटोमेटिक पेस्तोल, ४ थान म्याग्जिन, ३ राउण्ड गोली, २ हजार भारतिय रुपैँया, १ थान मोबाइल र बिआर ५० के ०१४९ नम्बरको मोटरसाइकल बरामद गरेको छ ।

पक्राउ पर्नेहरुमा भारत अररिया पञ्चायत बासमटिया–६ बिहार बस्ने ३५ वर्षीय विधानन्द राम र पञ्चायत बासमटिया–२ बस्ने ३१ वर्षीय हासिम अंसारी रहेका छन् । ईलाका प्रहरी कार्यालय लौकही र जिल्ला प्रहरी कार्यालय सुनसरीबाट खटिएको प्रहरीले उक्त हातहतियार र उनीहरुले प्रयोग गरेको मोटरसाइकल सहित उनीहरुलाई पक्राउ गरेको हो । उनीहरुमाथि थप अनुसन्धान गरिरहेको प्रहरीले जनाएको छ ।