एक खतरनाक मानिस जसले गरेका थिए तीन सय बढीको हत्या

काठमाडौं
विश्वकै एक खतरनाक सिरियल किलर जसले तीन सयभन्दा धेरैको हत्या गरेका छन् । उनी हुन्, कोलम्बियाका पेड्रो लोपेज । जसले तीन सयभन्दा धेरै हत्या गरेका थिए । उनले कोलम्बिया,पेरु र इक्वेडरमा हत्याको शृंखला मच्चाएका थिए । उनले धेरै बच्चाको हत्या गरेका थिए ।

त्यस्तै कोलम्बियाका लुइस गाराभिटामाथि पनि तीन सयभन्दा धेरैको शृंखलाबद्ध हत्या गरेको अभियोग छ । उनले पाँच वर्षको बीचमा एक सय ४० भन्दा धेरै बच्चाको हत्या गरेको स्विकारेका थिए ।

उनीबाट प्रायः सडक बालक मारिएका थिए । सन् १९९० को दशकमा उनले धेरै हत्या गरेका थिए । उनी हत्या, बलात्कार र अरूलाई चरम यातना दिएर आनन्द लिने व्यक्ति हुन् ।

सन् १९९९ मा पक्राउ परेका उनी विश्वकै खतरनाक सिरियल किलरका रूपमा चिनिन्छन् । उनलाई ३० वर्ष कैद सजाय सुनाइएको छ । पक्राउ परेपछि उनले आरोप मात्र स्वीकार गरेनन्, आफूले हत्या गरेका शव खोज्नसमेत प्रहरीलाई सघाएका थिए ।