संवैधानिक निकायमा गरिएको नियुक्तिविरुद्धको रिटमा कारण देखाउ आदेश

काठमाडौं,
संवैधानिक आयोगमा भएका नियुक्ति सम्बन्धी परेको रिटमा सर्वोच्च अदालतले कारण देखाउ आदेश गरेको छ । बुधबार बसेको संवैधानिक इजलासले सो आदेश गरेको हो ।

तत्कालीन केपी ओली सरकारले विभिन्न आयोग का प्रमुख तथ पदाधिकारी नियुक्त गरेको थियो । उक्त नियुक्ति बदरको माग गर्दै रिट परेको थियो ।
ओली नेतृत्वको तत्कालीन सरकारले संवैधानिक आयोगमा ५२ पदाधिकारीको नियुक्ति गरेको थियो ।

त्यस्तै अधिवक्ताद्वय गणेश रेग्मी र दीपक विक्रम मिश्रको रिट खारेज भएको छ । उनीहरूले प्रधानन्यायाधीशबिना संवैधानिक इजलास गठन हुन नसक्ने भन्दै रिट दायर गरेका थिए ।

शुक्रबार ११ वटा रिटको सुनुवाइ नसकिएपछि मुद्दा हेर्दा हेर्दैमा राखिएको थियो । तर संवैधानिक इजालसले यो रिटमा कारण देखाऊ आदेश मात्रै जारी गरेको हो ।
बुधबार कामु प्रधानन्यायाधीश दीपककुमार कार्कीसहित न्यायाधीशहरु मीरा खड्का, हरिकृष्ण कार्की, विश्वम्भरप्रसाद श्रेष्ठ र ईश्वरप्रसाद खतिवडासहितको संवैधानिक इजलासले यस्तो आदेश दिएपछि अख्तियार प्रमुख प्रेम राईसहितको पद जोगिने भएको छ ।