खोलाबाट पानी तानेर सिधै जारमा भरी बजारमा

operation kathmandu

ललितपुर
ललितपुरको गोदावरी क्षेत्रमा सञ्चालित विभिन्न मिनेरल वाटर उत्पादन कम्पनीले फोहोर पानी विक्री वितरण गरिरहेको पाईएको छ । गोदावरी नगरपालिका–४ वडीखेलमा रहेको के एम मिनिरल वाटर एण्ड वेभेरेज प्रालि, गोदावरी मिनेरल वाटर प्रोडक्टले यस्तो चरम लापरबाही गरीरहेको खुलेको हो ।

उनीहरुले उत्पादन गरी विक्री वितरण गरेको पानीमा मानवको दिसामा मात्रै पाइने कोलिफर्म जस्तो जिवाणु भेट्टिएपछि कम्पनीको मनपरी सतहमा आएको हो । एक साता अघि विशेषज्ञ सहित नगरपालिकाको एक टोलीले गरेको अनुगमनमा ती कम्पनीबा उत्पादित जारको पानी पिउन अयोग्य रहेको निष्कर्श निकालेको थियो । उक्त कम्पनीले उत्पादन गरेको जारको पानीमा कोलिफर्म भेटिएको उक्त टोलीका एक सदस्यले बताए ।

अनुगमनपछि ल्याब टेस्टमा के एम वेभेरेज कम्पनीको उत्पादित पानीमा कोलिफर्म भेट्टिएको, उक्त कम्पनीले घट्टेकुलो (कोड्कु) खोलामा ३ इन्चको पाइप लाईन बिछ्याएर पानी तानेर विना प्रशोधन सिधै जारमा हालेर बजारमा विक्री वितरण गरेको तथ्य समेत अनुगमनले फेला पारेको थियो ।

गोदावरी मिनेरलबाट उत्पादित क्लिन गोदावरी ब्राण्ड नामको जारमा लेभल नै नलगई विक्री वितरण गरेको पाईएको छ । उनले पनि ग्वालिन दह कुण्डबाट पानी ल्याई प्रशोधन विनै सिधै बजारमा विक्री वितरण गरेको पाईएको छ । यसरी लापरबाही गरेका कम्पनीले मानव स्वास्थ्यमा प्रतिकुल असर पर्ने गुणस्तरहिन पानी प्याकिङ गरेर बजारमा पठाउँदै मानव स्वास्थ्य प्रति गम्भिर खेलबाड गरीरहेको अनुगमन टोलीको निष्कर्श रहेको छ । यी दुई कम्पनी जस्तै अन्य सात कम्पनीले पनि यस्तै गरी पानी उत्पादन गर्दै बजारसम्म पठाईरहेको छ ।