स्ववियु निर्वाचन स्थगित क्याम्पसहरूमा चैत्र ३० चुनाव गर्ने
![स्ववियु निर्वाचन स्थगित क्याम्पसहरूमा चैत्र ३० चुनाव गर्ने](https://snowberry.prixacdn.net/media/gallery_folder/Students-Union_y2lWVUSAvf_gwgtmhsklmuy4ak7ivo9rjphyznbuxeqmq4xa9vcgxluxigp4pemjng1dldn_o4mSWfVU9y_lc3o3wfvsya8untww2flulpfornqxb8woh9qlclmdc6tych5eyzo4zba8hkz_nItSgRD7Ni_mcxfp1wjhb5e0wo8f6xnipmd95znafvbjddhl7bv5eqgws5vrxqzysb6n2mq_pIAvjfQtTR_jlllqhex9zm1wqbhrheedypocwudrphbymrw20uwop74od3wpe6egivz5xcs.jpg)
काठमाडौं । संयुक्त विद्यार्थी संगठहरुबीच चैत ५ गते हुन नसकेका क्याम्पसहरूमा चैत ३० गते स्वतन्त्र विद्यार्थी युनियनको निर्वाचन गर्ने सहमति भएको छ ।
संयुक्त विद्यार्थी संगठनहरुले निर्वाचन बिथोलिने गतिविधि नगर्ने र निर्वाचन भाँड्ने गरी कुनै पक्षबाट तालाबन्दी गरिए प्रशासनको सहयोगमा ताला ताडेर प्रक्रिया अगाडि बढाउने समझदारी पनि भएको छ ।
विद्यार्थी भर्ना विवाद रोकिएका क्याम्पसहरूमा विवादित विषयमाथि छानबिन गरी अध्ययन र अनुगमन गर्न विश्वविद्यालयको केन्द्रीय अनुगमन समितिलाई अनुरोध गरी प्रक्रिया अगाडि बढाउन माग गर्ने समझदारी पनि भएको छ ।
संयुक्त विद्यार्थी संगठनका तर्फबाट जारी विज्ञप्तिमा नेपाल विद्यार्थी संघका अध्यक्ष दुजाङ शेर्पा, अनेरास्ववियुका अध्यक्ष समिक बडाल, अनेरास्ववियु क्रान्तिकारीका अध्यक्ष पञ्चा सिंह र अनेरास्ववियूका अध्यक्ष सुदेश पराजुलीले हस्ताक्षर गरेका छन् ।
प्रतिक्रिया