शरणार्थी प्रकरणः बालकृष्ण खाँण, टेकनाथ रिजाल र हरिकृष्ण महर्जनको बयान जारी
![शरणार्थी प्रकरणः बालकृष्ण खाँण, टेकनाथ रिजाल र हरिकृष्ण महर्जनको बयान जारी](https://snowberry.prixacdn.net/media/gallery_folder/Balkrishna_Khand_E7CxLMWn5b_qb8yhtqzh8nmuf046itbbto4zijnislbsdtd06tz6z6peeb1wwztiyiar0bu_d7oTJ2pvY2_nfser1dbsfavbpqc6fss7gbayo8b4fb3py89qdejlgtyyvt4tnuzelcwuixx_22Qx2JDuno_xjdisnstvnpsxhyjthgyls0r9ndrk24lebk4yfc2ysv6mtgrsycx8xvezwg5_vBwp1Nqqwa_cogvztesfspwqbe6eo6yetohrcb23nsidvugoisbxoarvkdaluag4wq1k4pr.jpg)
काठमाडौं । जिल्ला अदालत, काठमाडौंमा पूर्वगृहमन्त्री एवं कांग्रेस नेता बालकृष्ण खाँणको बयान जारी छ ।
नेपाली नागरिकलाई भुटानी शरणार्थी बनाएर अमेरिका पठाउने भन्दै असुली गरेको गिरोहलाई सहयोग गरेको आरोपमा पक्राउ परेका खाँणसहित शरणार्थी अधिकारवादी नेता टेकनाथ रिजाल र हरिकृष्ण महर्जनको पनि बयान भइरहेको छ ।
प्रकरणमा प्रहरीले १८ जनालाई पक्राउ गरेको छ । जिल्ला सरकारी वकिलको कार्यालय, काठमाडौंले ३० जनालाई प्रतिवादी बनाएर राष्ट्रहित प्रतिकूल हुने कसूर, संगठित ठगी र कीर्तेमा मुद्दा दायर गरेको थियो । पक्राउ परेकामध्ये १५ जनाको बयान सकिइसकेको छ ।
आइतबारदेखि थुनछेक बहस हुँदैछ । बहसपछि आरोपीलाई पुर्पक्षका लागि थुनामा पठाउने, धरौटीमा छाड्ने वा साधारण तारेखमा छाड्नेमध्ये एक आदेश हुनेछ ।
प्रतिक्रिया