ललिता निवास प्रकरणः बहालवाला सचिव राउत पक्राउ
![ललिता निवास प्रकरणः बहालवाला सचिव राउत पक्राउ](https://snowberry.prixacdn.net/media/gallery_folder/krishna-raut_4E4izeNdd6_v9xn3niqyeahx11usqvyyipzywqwnyzhog5fu9bvyigrpwx1s0ddxg593ftx_78enKXufWY_bc1rrgr2qmxork1xvitfeejmvtg56fv8au1b5ktwtjb9rwlnx5rddu0qnnml.jpg)
काठमाडौं। ललिता निवास जग्गा हिनामिना प्रकरणमा बहालवाला सचिव कृष्णबहादुर राउत पक्राउ परेका छन् । सञ्चार तथा सूचना प्रविधि मन्त्रालयका सचिव कृष्णबहादुर राउत पक्राउ परेका छन् । राउतलाई काठमाडौंबाट विराटनगर जाने क्रममा केहीबेर अघि त्रिभुवन विमानस्थलबाट पक्राउ गरिएको केन्द्रीय अनुसन्धान ब्युरो (सीआईबी) ले जनाएको छ ।
भौतिक मन्त्रालयमा शाखा अधिकृत छँदा राउतले ललिता निवासको जग्गा व्यक्तिको नाममा दर्ता गराउन भूमिका खेलेको आरोप छ । यसअघि नक्कली भुटानी शरणार्थी प्रकरणमा उपराष्ट्रपति कार्यालयका सचिव टेकनारायण पाण्डेलाई पक्राउ गरिएको थियो । उनी अहिले थुनामा छन् ।
प्रतिक्रिया