सुन तस्करी प्रकरणको अनुसन्धानका लागि भारत र हङकङ पुग्यो सीआईबी टोली
![सुन तस्करी प्रकरणको अनुसन्धानका लागि भारत र हङकङ पुग्यो सीआईबी टोली](https://snowberry.prixacdn.net/media/gallery_folder/CIB_nepal_yla6Qq5Bm9_tsqxp4pkpvqbk15nxq1hafbkpwhoxp7swjmlq6ddjagssyswoc2oa7rxqdho_Ucv3QtGq2P_2hhuqmqmsxfpgqll1wbm847stfli8vnadqkxraofu2csi0lhfbpwzhf45evp_vYxc1Wgadd_rmuv8jyb3tdlezap5bhy00moefprxon4nnjsimmzfq0ykckvfimu6xbwsblw_IkN7S6RcyC_p64rzufojmsuazmzez2mlw905lfv8w22c4otcovsveq76zzd8hcypk1amexq_hq5kquFC2U_zrrfvxvxnj2c4brlo2oith1obonxjepczrh5eesqepwhp2rdx4y0jy9szezc.jpg)
काठमाडौं । ६० किलो सुन तस्करी प्रकरणको अनुसन्धानका क्रममा प्रहरीको केन्द्रीय अनुसन्धान ब्यूरो (सीआईबी) ले एउटा टोली भारत पठाएको छ ।
सीआईबीले प्रहरी नायब उपरीक्षक (डीएसपी) धर्मराज भण्डारीलाई भारत पठाएको हो । स्रोतका अनुसार, थप अधिकृतलाई पनि भारत पठाउने तयारी भइरहेको छ ।
हङकङबाट ब्रेक प्याडभित्र लुकाएर ल्याएको सुन ३ साउनमा बरामद भएको थियो । १९ दिनसम्म राजश्व अनुसन्धान विभागले अनुसन्धान गरेर यसमा संगठित अपराधको तत्व देखिएको थप अनुसन्धानका लागि सीआईबीलाई हस्तान्तरण गरिएको थियो ।
त्यसक्रममा सीआईबीले सुन आउने ठाउँ हङकङमा केही कागजातको संलकन र तथ्यहरुको प्रमाणिकरणका लागि एसएसपी दिनेश आचार्यलाई पठाएको छ भने दिल्लीमा भण्डारीलाई पठाएको हो ।
हङकङबाट आएको सुनको गन्तव्य भारत गएकाले त्यहाँको नेक्ससबारे भारतीय पक्षसँग समन्वय गरेर भण्डारीले सूचना संकलन गर्ने एक अधिकृतले बताए ।
सीआईबीले हालसम्म यो प्रकरणमा २५ जनालाई पक्राउ गरेको छ । पक्राउ परेकामध्ये ६ जना विदेशी नागरिक छन् । सुन तस्करीमा चिनियाँ नागरिकहरुको मुख्य भूमिका देखिएको छ । नेपालको पाटाको व्यवस्थापन बेल्जियन नागरिक दावा छिरिङले गरेको आशंका गरिएको छ ।
प्रतिक्रिया