कैदी हत्या प्रकरणः ७ प्रहरी र ८ कैदीविरुद्ध मुद्दा दर्ता
![कैदी हत्या प्रकरणः ७ प्रहरी र ८ कैदीविरुद्ध मुद्दा दर्ता](https://snowberry.prixacdn.net/media/gallery_folder/sankhuwasava%2520jail_VwtCvxC3vB_0tfp9vult3cteclo7ilqzlgnxpyg0wrcnqh5uwezymrpbzzrwss98rs3betu_WbhzgjmQHy_gdws3ldh6ocuwjk4pobxljeur7rcxqbmu7jiyay0cv06quzeu5hcghuzrrvb.jpg)
खाँदबारी । सङ्खुवासभा जिल्ला कारागारमा भएको कैदी हत्या प्रकरणमा सरकारी वकिल कार्यालयले सात प्रहरी र आठ कैदीविरुद्ध जिल्ला अदालतमा आज कर्तव्य ज्यान सम्बन्धि मुद्दा दर्ता गरेको छ ।
प्रहरी सहायक निरीक्षक लक्ष्मी चौधरी, प्रहरी हवल्दार राजकुमार श्रेष्ठ, प्रहरी जवानद्वय सुमन गुरुड र पवनकुमार महतो, कारागार सुरक्षा गार्डद्वय दमनसिंह राई र नुसन राईविरुद्ध मुद्दा दर्ता गरिएको जिल्ला न्यायाधिवक्ता सन्तोषप्रसाद भण्डारीले जानकारी दिए ।
यसैगरी सरकारी वकिल कार्यालयले कैदीहरु राम कार्की, अनिस शर्मा कट्टेल, सचिन राई, सुमन सारुमगर, टीकाराज चौहान, नवीनकुमार राई, इन्द्रध्वज घिमिरे र मीनबहादुर तामाडविरुद्ध पनि मुद्दा दर्ता गरेको छ ।
कारागारको झ्याल काटेर भाग्न खोजेपछि गत साउन २४ गते दुईजना कैदीको कुटपिटबाट मृत्यु भएको थियो । कुटपिटबाट सङ्खुवासभाको मादीका विनोद तोलाङ्गी र नुवाकोटको ककनीका आकाश बलामीको मृत्यु भएको थियो ।
प्रतिक्रिया