गुल्मीको हुग्दी खोलामा १५ वर्षीया किशोरीको शव फेला
कात्तिक १७, २०८० शुक्रबार १०:५६
गुल्मी । गुल्मीको चन्द्रकोट गाउँपालिका वडा नम्बर ४ हुग्दी खोला किनारमा नग्न अवस्थामा एक किशोरीको शव भेटिएको छ।
गुल्मीको चन्द्रकोट–५ निवासी १५ वर्षीया मनिषा रुचालको शव फेला परेको जिल्ला प्रहरी कार्यालय गुल्मीका प्रहरी उपरीक्षक ९डिएसपी० डिल्लीनारायण पाण्डेले बताए । उनी चन्द्रकोटको एक विद्यालयमा कक्षा ९ मा अध्ययनरत थिइन् ।
मनिषाकी आमाका बिहीबार दिउँसो ११ बजेतिर खेतमा काम गरिरहेकाहरुलाई सुर्ति किनिदिन भन्दै उनी पसलमा गएकी थिइन् । अबेलासम्म घर नफर्किएपछि खोजी गर्ने क्रममा उनी शुक्रबार बिहान मृत फेला परेकी हुन् ।
अनुसन्धानका लागि जिल्ला प्रहरी कार्यालय गुल्मीबाट एसपी नवीन किशोर प्रधानसहितको टोली घटनास्थल पुगेको छ । अनुसन्धान टोली पुगेपछि मात्रै घटनाको विस्तृत विवरण आउने डिएसपी पाण्डेले बताए ।
मृत फेला परेकी मनिषा चन्द्रकोट ५ धुवाँखर्क निवासी हुन् ।
प्रतिक्रिया