सोती हत्याकाण्डका २३ जनालाई जन्मकैदको फैसला
![सोती हत्याकाण्डका २३ जनालाई जन्मकैदको फैसला](https://snowberry.prixacdn.net/media/gallery_folder/nawaraj_EB8Krrazsu_hrioyxd3z0wr7lva8syu9yaz4iqzqi6ie96q0qcuxrw0i0fx1o8vmydqlv4n_9KBUvh8qg9_l8ut0att4jbpfgi3uzornmv1g3ikeee4vax8r6hpg7zed4vqqncycnfvihkg.jpg)
काठमाडौं । रुकुम पश्चिमको सोती हत्याकाण्डमा संलग्न २३ जनालाई जन्मकैदको सजाय भएको छ । आज रुकुम जिल्ला अदालतले थुनामा रहेका २३ जनालाई जन्मकैदको फैसला सुनाएको हो ।
हत्या गरिएका नवराज बिककी प्रेमिका, उनकी आमा र दाजुलाई भने जातीय छुवाछुतमा दुई वर्ष कैदको फैसला भएको बताइएको छ । यस्तै अदालतले ८ जनालाई सफाइ दिएको छ ।
२०७७ जेठ १० मा रुकुम पश्चिमको चौरजहारी नगरपालिका–८ मा पर्ने सोतीमा ६ जना युवाको हत्या भएको थियो । प्रेमिका लिन भनी जाजरकोटबाट रुकुम पश्चिम गएका नवराज विक तथा उनका साथीहरूको समूहलाई सोतीका स्थानीयले कुटपिटबाट हत्या गरी सेती नदीमा बगाइदिएको आरोपमा ३४ जनाविरुद्ध मुद्दा चलाएको छ ।
प्रतिक्रिया