बालकृष्ण खाणलाई धरौटीमा छाड्न आदेश
![बालकृष्ण खाणलाई धरौटीमा छाड्न आदेश](https://snowberry.prixacdn.net/media/gallery_folder/Balkrishna_Khand_E7CxLMWn5b_qb8yhtqzh8nmuf046itbbto4zijnislbsdtd06tz6z6peeb1wwztiyiar0bu_u1c7KzpdAs_lsseofry7wl7mk8os314un3oj8k7mihunya7lgvkwgzlxmsalavhnkxoe7uu_IYdHoco7cB_yiemye0alnvosn9jkdwimyrgcrjmrv0zciul85syknxgglprznuno2awnss0.jpg)
काठमाडौं । नक्कली भुटानी शरणार्थी प्रकरणमा मुछिएका पूर्वगृहमन्त्री तथा नेपाली कांग्रेसका नेता बालकृष्ण खाणलाई थुनामुक्त गर्न अदालतले आदेश दिएको छ । उच्च अदालत पाटनका न्यायाधीश कृष्णराम कोइरालाको इजलासले उनलाई ३० लाख धरौटीमा छाड्न आदेश दिएको हो ।
जिल्ला अदालतको आदेशबमोजिम थुनामा रहेका खाणलाई छाड्ने विषयमा मंसिर १५ गतेको सुनुवाइको क्रममा न्यायाधीश जनक पाण्डे र प्रकाश खरेलबीच राय बाझिएपछि आज तेस्रो न्यायाधीशको इजलासमा सुनुवाइ भएको हो ।
त्यसदिन पाण्डेले ३० लाख धरौटीमा छाड्न आदेश गरेका थिए । तर, खरेलले उनको संलग्नता अरु सरहनै देखिएको भन्दै छाड्न अस्वीकार गरेपछि खाणको मुद्दा तेस्रो न्यायाधीशको हातमा गएको थियो ।
प्रतिक्रिया