एमडीएमएस खरिद प्रकरणः एक अर्ब बिगो दाबीसहित २० जनाविरुद्ध भ्रष्टाचार मुद्दा
![एमडीएमएस खरिद प्रकरणः एक अर्ब बिगो दाबीसहित २० जनाविरुद्ध भ्रष्टाचार मुद्दा](https://snowberry.prixacdn.net/media/gallery_folder/court_g1zOYfv4z7_awkwhkpe5okpfdwb9uoq0w64k4pvfdmlesuyxw7x9u2wvzrcsgj9b0kdtpc6_yXEFgi5k3y_rjgq5570dqfv09bscuqa7w5vpbklgnpu3bud3bos616ir9uxzgz4pvn9buxs_PJOZMCe44E_w3vjbgp7oir5jzqelhzodl5tbkla2hbowhhb6jag4h1jny4zqal8a9w9r9iy_fi3wz3CcVK_pxegz8m3psa9z9zkdskrgfhszvoxpm9u4xepzx1ryln4vopzcmxupcd8weye.jpg)
काठमाडौं । अख्तियार दुरुपयोग अनुसन्धान आयोगले नेपाल दूरसञ्चार प्राधिकरणका पूर्व अध्यक्ष पुरुषोत्तम खनाल र दिगम्बर झासहित २० जनाविरुद्ध करिब एक अर्बको बिगो दाबीसहित भ्रष्टाचार मुद्दा दायर गरेको छ ।
मोबाइल डिभाइस म्यानेजमेन्ट सिस्टम एमडीएमएस खरिदमा अनियमितता गरेको अभियोगमा बिहीबार विशेष अदालतमा मुद्दा दायर गरेको हो ।
अख्तियारले पूर्व अध्यक्षद्वय खनाल र झासहित तत्कालीन निर्देशक आनन्दराज खनाल,हालका निर्देशक दीपेश आचार्य,सुरेन्द्र हाडा, अच्युतानन्द मिश्रसहितलाई विपक्षी बनाएको छ ।
त्यस्तै अख्तियारले प्राधिकरणका उपनिर्देशक मीनप्रसाद अर्याल, विनोदचन्द्र श्रेष्ठ, रेवतीराम पन्थ, सन्दीप अधिकारी, सूर्यप्रसाद लामिछाने, सहायक निर्देशक विजयकुमार यादव, प्रतीक्षा पौडेल र निराजन कोइरालाविरुद्ध पनि मुद्दा दायर गरेको छ ।
प्रतिक्रिया