बजेटमाथि ओलीको अर्काे असन्तुष्टिः एकदुई जनाको मुख हेरेर कसरी सन्तोष मान्ने ?
![बजेटमाथि ओलीको अर्काे असन्तुष्टिः एकदुई जनाको मुख हेरेर कसरी सन्तोष मान्ने ?](https://snowberry.prixacdn.net/media/gallery_folder/oli_li29ZH6Bhr_q9gbhxuefcz9e0qv5sm8bxomzdd8xbkbasl8ny7bjy8s8iwqf9axmdxxpzty_OSOh0gHEYw_t1thi0pseyroy03lo7lnegsvv2eeznmhy1hj5mnml6rypxzzewrwd3shkk3y_pJIGIWEBST_yskoxatpit3tedob665cnm63wwn7jv21eiia53hthkpxsczgt3me33gyba9w_dGV8RTEhvo_qw5vb7b2m41jr5vfocrki5yiunuozmiyeyiecgitlsztmj7fhl8ccxksahkq_odJeCFjFI9_jktzpvmksum0kquperrrok8mlor7zur7pa8usplu8tomvhrx5rpzwawpvhlc.jpg)
काठमाडौं । नेकपा एमालेका अध्यक्ष केपी शर्मा ओलीले सरकारले ल्याएको बजेटमाथि आज पनि असन्तुष्टि पोखेका छन् ।
संसदीय दलको बैठकलाई सम्बोधन गर्दै उनले बजेटको विषयमा एकदुई जनाको मुख हेरेर कसरी सन्तोष मान्ने भन्दै प्रश्न गरे ।
अध्यक्ष ओलीले भने, ‘एकदुई जनाको मुख हेरेर बजेटको सन्दर्भमा भएको कति ठीक कति, बेठिक त्यो अलिक छलफल गर्नुपर्ने हुन्छ । एकदुई जनाको मुख हेरेर, हामी सरकारमा छौं भनेर, देश गरिबीतिर गए पनि के भयो भनेर हुन्छ ? हामी देशलाई गरिबीतिर जानबाट रोकेर देश विकास गर्न सरकारमा गएका हौं । त्यही चिज हुँदैन भने सन्तोष कसरी मान्ने ?’
उनले एमालेले नेतृत्व गरेका मन्त्रालयको अवस्थाबारे पनि हेर्न आग्रह गरे । उनले थपे, ‘हामीले नै चलाइरहेको मन्त्रालयको स्थिति के छ, कस्तो छ विनियोजन ?त्यो पनि हेर्नुपर्ने हुन्छ । बाहिर बजारमा भन्दै हिँड्ने होइन ।’
प्रतिक्रिया