प्रधानमन्त्री ओलीले साउन ६ गते विश्वासको मत लिने
![प्रधानमन्त्री ओलीले साउन ६ गते विश्वासको मत लिने](https://snowberry.prixacdn.net/media/gallery_folder/KP-Oli-New-PM_8cm0I9UJ62_mn2tnlnpkahnxljcpzazvc8amqyscxpzjlsnssmou1lt1cigbpuiehj51brd_h59QSpUcPC_6gfh74oeh62mfywnm71yisra5iozcimcyyick19gdjuyrmbj9pvnrgzidiaf_PbT7hBdlfz_d0gzouwqbehnaz6xo7eh1snxaedsth4l1tnobjnkdujt5zbwgqesqrjb8qoa.jpg)
काठमाडौं । प्रधानमन्त्री केपी शर्मा ओलीले साउन ६ गते विश्वासको मत लिने भएका छन् । प्रधानमन्त्री ओलीले साउन ६ गते आइतबार विश्वासको मत लिने नेकपा एमाले संसदीय दलका मुख्य सचेतक महेश बर्तौलाले जानकारी दिए ।
ओली असार ३० गते प्रधानमन्त्री नियुक्त भएर भोलिपल्ट सपथग्रहण गरेका थिए । संविधानतः प्रधानमन्त्री नियुक्त भएको ३० दिनभित्र संसदबाट विश्वासको मत लिनुपर्ने हुन्छ । प्रधानमन्त्री ओली विश्वासको मत लिइहाल्ने सोचमा रहेको स्रोतको भनाइ छ ।
आज केही मन्त्री र सत्तापक्षका सचेतकहरुसँग ओलीले छलफल गरेपछि विश्वासको मत लिने तय भएको हो ।
प्रधानमन्त्रीले ६ गते संसदबाट देशबासीका नाममा सम्बोधन गर्ने कार्यक्रम पनि छ । सोही दिन प्रधानमन्त्रीको नियुक्ती प्रक्रिया नमिलेको भन्दै सर्वोच्च अदालतमा दायर भएको रिटमाथि सुनवाइ पनि हुँदैछ ।
प्रतिक्रिया