रिहा हुने दिन कुर्दै ‘विकिनी किलर’ चार्ल्स शोभराज

२५ पुस, काठमाडौं
एक सिरियल किलर चार्ल्स शोभराज ‘विकिनी किलर’का नामले समेत चिनिन्छन् । फ्रान्सेली नागरिक शोभराज यही नामले संसारभर कुख्याती कमाएका छन् । उनी १६ वर्षअघिदेखि सुन्धारा कारागारको गोलघरभित्रको जेल जीवन बिताईरहेका छन् ।

उनीमाथि विभिन्न देशमा गरी २० जनाभन्दा बढीको हत्या गरेको अभियोग छ । नेपाल घुम्न आएका अमेरिकी महिला पर्यटक कोनी जो ब्रोन्जिचको सन् १९७५ मा हत्या गरेको आरोपमा सर्वोच्च अदालतले शोभराजलाई जन्मकैदसहित आजीवन काराबासको सजाय सुनाएको थियो ।

उनले कतिपय महिलालाई बलात्कारपछि हत्या गरेका थिए । उनीमाथिको अधिकांश अपराध महिलामाथिको छ । उनी एक यौन पिपासु अपराधी हुन् । उनी केही वर्षदेखि भने आफू दीर्घ रोगी, वृद्ध अबस्थाको भएकोले कैद अवधी पुनरावलोकन गर्दै रिहा गर्नु पर्ने माग राख्दै आएका छन् ।