ताल्छिखेलको जुवा खालबाट ७ जना जुवाडे पक्राउ

काठमाडौं
ललितपुर प्रहरीले जुवा खालबाट सात जना जुवाडेलाई पक्राउ गरेको छ । ललितपुर महानगरपालिका–१५ ताल्छिखेलस्थित मनिष पण्डितले भाडामा लिएको घरबाट उनिहरु पक्राउ परेका हुन् ।

पक्राउ पर्नेहरुमा बारा गढीमाई–४ स्थाई घर भई हाल ललितपुर वस्ने रोशन कुमार साह, चितवन रत्ननगर–४ घर भई हाल ललितपुर बस्ने विनोद नेपाल, ललितपुर पाटन सुन्धाराका पवित्र महर्जन, ललितपुर कै महेश श्रेष्ठ, धादिङ धुनिवेशी–७ थाक्रे घर भई हाल ललितपुर ताल्छिखेल वस्ने मनिष पण्डित, ललितपुरका विकाश शाक्य र ललितपुर कै सुमन महर्जन रहेका छन् । उनीहरुको साथबाट प्रहरीले दुई लाख १३ हजार पाँच सय ४७ रुपैयाँ नगद र १६ वटा कौडा बरामद गरेको ललितपुर प्रहरी परिषरले जनाएको छ ।