छात्रामाथि दुर्व्यवहार गर्ने शिक्षक पक्राउ

झापा,
छात्रामाथि दुर्व्यवहार गरेको आरोपमा झापाबाट एक जना शिक्षक पक्राउ परेका छन्। जिल्ला प्रहरी कार्यालय झापाले ती शिक्षकलाई शनिवार पक्राउ गरेको हो। आइतबार छात्राका तर्फबाट जाहेरी आएपछि सबै कुरा खुलाउने जिल्ला प्रहरी कार्यालय झापाका प्रवक्ता डिएसपी बसन्त पाठकले बताए।

१३ वर्षीया छात्रालाई यौनजन्य दुर्व्यवहार गरेको आरोपमा ती शिक्षक पक्राउ परेका हुन्। पक्राउ पर्ने शिक्षक बिर्तामोड नगरपालिका १० बासिन्दा रहेका प्रहरी स्रोतले बताएको छ। हल्दिबारी गाउँपालिका – १ गोलधापस्थित एक विद्यालउमा अध्ययनरत छात्रालाई शुक्रबार दिउँसो विद्यालयभित्रै ती शिक्षकले यौनजन्य दुर्व्यवहार गरेको आरोप लगाइएको छ।

यौनजन्य दुर्व्यवहार गर्ने शिक्षकलाई तत्काल कानुनी कारबाहीको माग गर्दै स्थानीयबासीले शुक्रबार विद्यालय घेराउ गरेका थिए। प्रहरीले ती शिक्षकलाई शुक्रबार बेलुका घरबाटै पक्राउ गरेको छ।