लेलेमा वास सेन्टर चलाउँदा प्रहरीको धरपकड

ललितपुर । 
लेले महादेव खोलामा सवारी साधन धुने वास सेन्टर सञ्चालन गर्दा महानगरीय प्रहरी वृत्त चापागाउँले धरपकड गरेको छ ।  गोदावरी नगरपालिका–५ महादेव खोलामा सञ्चालित युनाइटेड सिमेन्टले चुन ढुंगा ढुवानी गर्दा कालो पत्रे गरेको सडकमा माटो धुलो नटाँसियोस भन्दै स्थानीय युवाहरुले वास सेन्टर सञ्चालन गरेको थियो । वृत्त चापागाउँले २ जना घुमुवा पठाई युवाहरुलाई हतकडी लगाउँदै धरपकड गरेपछि स्थानीय युवाहरु आक्रोशित बनेका छन् ।

स्थानीय युवाहरुले यसलाई प्रहरीको दादागिरी भनेका छन् । नगरलाई कर तिरेर व्यवसाय दर्ता गरी बैधानिक रुपमा वास सेन्टर चलान पनि नदिनु हदको पराकाष्ट भएको युवाहरु बताउँछन् । बृत्त प्रमुख प्रहरी नायव उपरीक्षक श्री कृष्ण कुमार चन्दले सूचना आएपछि प्रहरीले जिज्ञासा राख्नु स्वभाविक रहेको बताए ।