कार्टुनमा ५० लाख अबैध रकम, सौर्य एयरलाइन्सका म्यानेजर पनि पक्राउ
![कार्टुनमा ५० लाख अबैध रकम, सौर्य एयरलाइन्सका म्यानेजर पनि पक्राउ](https://snowberry.prixacdn.net/media/gallery_folder/pakrau_M1urPzqHS0_gyqsthi0u8ekjttmakuqpn9whyqeg3qq3phy4llclqf1snlz9f5c9i4d6b4m_Awh1USLgaJ_bubj6j1gqqpzxryhfii0gqu65ew7tsui28boooyscsukfmexejpfu7ych1kl.jpg)
काठमाडौं
चाउचाउको कार्टुन भित्र भेटिएको अवैध ५० लाख रुपैयाँको विषयमा अनुसन्धान भईरहेको छ । उक्त प्रकरणको अनुसन्धानकै क्रममा सौर्य एयरलाइन्सको विराटनगर शाखाका स्टेसन म्यानेजर पनि पक्राउ परेका छन् ।
राजस्व अनुसन्धान विभागको टोलीले अनुसन्धानका लागि एयरलाइन्सको विराटनगर विमानस्थलका स्टेसन म्यानेजर प्रकाश पौडेललाई पक्राउ गरेको हो । उनलाई गए राति पक्राउ गरिएको बताइएको छ ।
यसअघि, हिजो दिउँसो विराटनगरबाट काठमाडौंमा आएको सौर्य एयरलाइन्सको जहाजबाट चाउचाउको कार्टुनमा लुकाइएको स्रोत नखुलेको ५० लाख नगद बरामद भएको थियो । सोही रकम लिन आएको अवस्थामा एयरलाइन्सकै कर्मचारी रेशा शाक्य पोखरेललाई प्रहरीले पक्राउ गरेको थियो ।
प्रतिक्रिया