स्ववियु निर्वाचनका लागि आज उम्मेदवारको अन्तिम नामावली प्रकाशन गर्दै
![स्ववियु निर्वाचनका लागि आज उम्मेदवारको अन्तिम नामावली प्रकाशन गर्दै](https://snowberry.prixacdn.net/media/gallery_folder/Students-Union_y2lWVUSAvf_gwgtmhsklmuy4ak7ivo9rjphyznbuxeqmq4xa9vcgxluxigp4pemjng1dldn_o4mSWfVU9y_lc3o3wfvsya8untww2flulpfornqxb8woh9qlclmdc6tych5eyzo4zba8hkz_lOoAD9vlmU_3b6ralke7vtvbyze1mn0zzjelwpfes3m3heesxsgo5l4pop708wunqixqyrr.jpg)
काठमाडौं। स्वतन्त्र विद्यार्थी युनियन (स्ववियु) निर्वाचनअन्तर्गत आज उम्मेदवारको नाम फिर्ता र अन्तिम नामावली प्रकाशन हुनेछ। दिउँसो १ बजेसम्म उम्मेदवारले नाम फिर्ता लिनसक्ने छन्।
दिउँसो २ बजे उमेदवारको अन्तिम नामावली प्रकाशन गर्ने निर्वाचन कार्यतालिका रहेको छ। यसअघि सोमबार उम्मेदवारको नामावली उपर दाबी विरोध र नामावली प्रकाशन गर्ने कार्यतालिका रहेको थियो। चैत ५ गते हुने निर्वाचनका लागि शनिबार देशभरका क्याम्पसमा उम्मेदवारी दर्ता भएको थियो।
अध्यक्ष, सचिव र कोषाध्यक्ष तथा ५० प्रतिशत सदस्य प्रत्यक्ष निर्वाचन प्रणाली र उपाध्यक्ष, सहसचिव र ५० प्रतिशत सदस्य समानुपातिक निर्वाचन प्रणालीबाट निर्वाचित हुने छन्।
निर्वाचनमा २८ वर्षे उमेर हदबन्दी कायम गरिएको छ। प्रत्यक्ष तथा समानुपातिकतर्फका उमेदवार वि।सं। २०५१ फागुन २८ गते जन्म मितिको र सोभन्दा पछि जन्मेका विद्यार्थीले उम्मेदवार बन्न पाउने छन्।
प्रतिक्रिया