गोदावरी नगरको आफ्नै इन्जिनियरिङ कलेज भवन धमाधम बन्दै
![गोदावरी नगरको आफ्नै इन्जिनियरिङ कलेज भवन धमाधम बन्दै](https://snowberry.prixacdn.net/media/gallery_folder/godavi%2520enginering1687882253_92g37dys0E_2nhuecmr7zo7rnk2mrtd3vs2tuyc2bsoricxbwivg2o0tccownmcf8tmb6kv_XKUK8f8evo_ujjd0pmqxrk8r05bbvqytqtqws7xmb1vnv4max4uhzyd5lqac8qhf3vlhpxm.jpg)
ललितपुर । गोदावरी नगरपालिकाले आफ्नै इन्जिनियरिङ कलेज भवन निर्माण कार्यलाई तीब्रता दिएको छ । नगरपालिकाको वडा नम्बर २ विशंखुमा निर्माण गर्न लागिएको कलेज भवनको दोस्रो तल्ला ढलान सम्पन्न भएको नगरपालिकाका प्रवक्ता मिलन सिलवालले जानकारी दिए । बहुवर्षीय योजनामा रहेका उक्त कलेजका दुईवटा भवन निमार्ण गरिनेछ ।
नगर प्रमुख गजेन्द्र महर्जनले भवन निर्माणको काम तीब्र गतिमा अघि बढेको बताए । ‘जतिसक्दो छिटो भवन निर्माणका काम सक्नेछौं । ’, नगरप्रमुख महर्जनले बताए । उक्त कलेजमा आर्थिक वर्ष २०८२/८३ देखि इन्जिनियरिङ विषयको पढाई सुरु हुने नगरपालिकाले जनाएको छ ।
गोदावरी नगरपालिकाले पूर्वाधार निर्माणसँगसँगै शिक्षा र स्वास्थ्यलाई प्राथमिकतमा राखेको छ आर्थिक वर्ष २०८०/८१ मा गोदावरी नगरपालिकाले शिक्षा क्षेत्रमा ५ करोड बजेट विनियोजन गरेको छ ।
प्रतिक्रिया